Бүгін Астана қаласында Қазақстан мұсылмандары діни басқармасы жанындағы «MUFTIYAT» баспасынан жарық көрген бірқатар жаңа еңбектің таныстырылымы өтті.
Атап айтқанда, «Иман мағынасы» кітабының 9-томы, «Бәдәл қаж» еңбегінің 4-басылымы, «Ислам энциклопедиясының» ІІІ томы мен «Имам Әбу Ханифаның хадистегі орны» кітабы (авторлары – Ислам Қаюпов, Бағлан Шежімбай) көпшілікке таныстырылып, тұсауы кесілді.
Салтанатты шараға ҚМДБ Төрағасы, Бас мүфти Наурызбай қажы Тағанұлы, ҚМБД жанындағы ИҒЗИ директоры Төрәлі Қыдыр, Парламент депутаттары, қоғам қайраткерлері, шетелдік дипломаттар мен дін қызметкерлері қатысты.
