Алматыда өтіп жатқан Ғұламалар кеңесінің 46-мәжілісінде «MUFTIYAT» баспасынан жарық көрген «Ислам энциклопедиясы ІІ том» және «Пәтуалар жинағы 1-5 том» кітабының тұсаукесері өтті.
Бас мүфти атап өткендей, Қазақстан мұсылмандары діни басқармасы әзірлеген «Ислам энциклопедиясының» ерекшелігі – бұл еліміздегі Ислам дініне арналған алғашқы көптомдық энциклопедия. Алдағы уақытта оқырманға оның 5 томы ұсынылады. Алла қаласа, барлық томдары рет-ретімен жарық көріп, оқырмандардың қолына жетеді деген сенім бар.
Сонымен қатар, бұл жобаның аясында жарық көрген «Ислам энциклопедиясы» мен «Пәтуалар жинағы» (1-5 том) кітаптары Қазақстан мұсылмандары діни басқармасының төрағасы, Бас мүфти Наурызбай қажы Тағанұлының жетекшілігімен дайындалған. Олар діни сала қызметкерлері, ізденуші шәкірттер, ғалымдар және жалпы оқырман қауымға арналған.
